سبب التأخر
رسالة من الاخ محمد صبحى
منقولة من مجموعة دردشة
مش احنا في مصر عندنا كل الوظائف مش احنا عندنا في مصر مهندسين واطباء و محامين و دكاتره وعلماء و كل الوظايف اللي في الدنيا و الموجوده في اي دوله متقدمه طب ليه احنامنبقاش ذي الدول دي ليه التقدم عندنا ببطء و التقدم في دول كتير سريع برغم توافر لدينا كل يمكن ان يصنع من انفسنا دوله متقدمه انا شايف ان السبب الاساسي لده ان للأسف كل الهدف من الوظيفه لأي انسان اما هدف مادي او معنوي او للشهره و مافيش حد اسأله انت ليه شغال كدة ويقولي عشان بحب الشغلانه دي كل الناس شغاله عشان الفلوس او عشان ما فيش شغلانه الا دي او لأي سبب و للأسف محدش شغال شغلانه عشان حببها لو بصيت كل واحد شغال اي شغلانه شغالها حب فيها مش عشان حاجه تانيه يعني مثلا عندنا لعيب الكوره اول ما يبدأ يشهر وياخد فلوس تلاقي اللعيب باظ ومتخدش منه لعب اما لعيب بره تلاقيه بياخد فلوس وشهره اضعاف اضعاف ما يأخذه اللعيب في مصر ورغم كده برده بيلعب عشان حابب الكوره مش عشان الفلوس ولا الشهره و ده على سبيل المثال وطبعا انا مش قاصد لعب الكوره انا قاصد حاجات اهم كتير في اي وظيفه يعني مثلا لو واحد جاب 95% و قال لأبوه انا عاوز اخش حقوق ولا تجاره عشان بحب الكليه دي كان ابوه وداه مستشفى المجانين عدل عشان ساب هندسه ولا طب و الحكايه دي حصلت لناس كتير شفتهم و في الاخر يخشوا الكليه اللي قال عليها الاب مش عشان بيحبوها عشان رغبه ابوه و ممكن واحد يكون حابب كليه و ميعرفش يوصلها علشان المجموع برغم انه لو دخلها ممكن يبقى حاجه كويسه فيها نسبه قليله جدا اللي بتشتغل شغلانه وراضيه عنها او بتحب شغلها عشان كده عمر ما الواحد يدي شغله 100% وهو مبيحبوش اكيد هيديه اقل بكتير من النسبه دي اما لو واحد بيحب شغله و بيشتغل حبا في الشغل بالأضافه للأمور الاخرى( المرتب وخلافه) مصر هتتغير180 في خلال فتره وجيزه لان كل واحد راضي عن شغله و مبيفكرش في اي حاجه الا الشغل بس
طارق المملوك
3/12/2003
