القمة العربية
***
مش عارف ليه يوم الجمعة اللى فاتت جاتلى هفة اتفرج على برنامج ستار اكاديمى ولقيت الشباب من الجنسين ومن مختلف الدول العربية منتميين للبرنامج و بينهم مشاعر جميله حتى اللى بيخسر ده اذا اتفقنا مع مايقدمه البرنامج ومع اختلاف رايي الشخصى فى جدوى او اصلا السماح لبرنامج زى ده بالعرض ولكنى شاهدته و قد حدث ما حدث.
استعدت ما حدث فى البرنامج اليوم بعد علمى بالغاء القمة العربية و خرجت بالتالى:
- هل الغيت القمة العربية نتيجة خسارة النوميني متسابقة تونسية امام النوميني متسابق مصر ؟؟؟؟ هذا فقط من باب الدعابة.
- هل يمكن للحكام العرب ان يتركوا الفرصة لانفسهم و شعوبهم كى تتولد بينهم روح جميلة و روح انتماء لثقافة واحدة و دين واحد ام نظل نتفق على الا نتفق؟؟؟؟
- هؤلاء الشباب الذين عاشوا معا شهورا فى برنامج لا يقدم اى شىء هادف - فقط لتحقيق طموحات شخصية نتفق او نختلف معها -هل من الممكن ان يقدموا نموذج للحكام العرب بان يجلسوا معا ولو ليوم واحد لتحقيق طموحات الامة كلها حتى ولو عصر كل واحد فيهم ليمونه على الاخر.؟؟؟؟
- السؤال المتكرر كل قمة عربية , اذا لم يجتمع الزعماء العرب فى هذا الوقت فمتى يجتمعون؟؟؟؟
- هل نحضر مطربين و راقصات لجامعة الدول العربية حتى نشجع الزعماء العرب على حضور القمة العربية؟؟؟؟
ارجو الافادة
***
طارق المملوك
28-03-2007
هناك ٥ تعليقات:
السلام عليكم ورحمة الله
اتمنى ان تكونوا جميعا بخير
والله يا طارق الواحد محروق دمه
فعلا اتفق العرب على الا يتفقوا ... الا فى الرقص والصهللة والكليبات المحترمة المسايرة لنظام العولمة
البرنامج اللى بتقول عليه والله معنديش تعليق لكن اهو تقدر تقول كده انه شكل تانى من اشكال خيبتنا التقيلة (ولامؤاخذة)
لكن مش مشكلة اكيد مش هى دى العينات الممثلة لشبابنا
وضع تونس غريب قوى...تردد فى الإستضافة...تلاكيك لرفض مقترحها اللى احنا مش عارفين كان فيه ايه و آخره يعنى انها قررت تخلع القمة!!! قصدى تلغيها
يمكن بيقولوا انها اول سابقة من نوعها وكانت حتكون الأخيرة لإن لو مفيش قمة دلوقتى مش حيبقى فيه خالص حتى وان كانت النتائج المتوقعة محبطة وغير متوازنة مع الأحداث الجسام التى تمر بها كرامتنا العربية كالعادة بس نعمل ايه يبقى لا ماشطة ولا كمان وش عكر!!!!!
ربنا يرحمنا ويلطف بينا وزى ما قلت فى قصيدتك بالنسبة لرمى الحجارة...يبقى احنا محتاجين حجارة الإنديز عشان بس
نفوق مش نتوب!!!
وأخيرا لا عزاء للعرب
حسبى الله ونعم الوكيل
داليا
السلام عليكم
ردا علي رسالة الاخ طارق و تعليق الاخت داليا ، احب ان اقول ان المشروع العربي قد سقط ، و ان ما يحدث الان
هو نوع من محاولات ا لتمسك بالحبال المتأكله ، و اولي بمصر بكل تاريخها و مخزونها القومي ، ان تلتفت الي انتماءاتها
الحقيقيه و الي شخصيتها القومية بدلا من اضاعة الوقت في البحث عن اجتماعات و قمم..
اما ان الاوان لنعترف بهذا و بان لنا شخصيتنا التي تغنينا عن انتمائنا للعالم العربي؟؟؟؟
خالد مصطفي
مش عارف يا خالد اذا كان الكلام ده طالع من غيظك ولا ايه اللى بتفكر فيه بالظبط
لكن احب اقولك ان احنا فى عصر التكتلات و مافيش اى تجمع فى الكون ممكن يقبلنا الا اذا كان مننا
فليس امامنا الا ان ندعو الله ان يهدى حكام العرب و المسلمين
قول امين
طارق المملوك
اخي الكريم طارق
يا سيدي انا لست ضد التكلات ، و لا ضد التعاون ، و لكن التعاون و التكتل الاقتصادي شئ و الانتماء و التقيد بمشروع قومي شئ اخر ، الجامعة العربية و انتمائنا للعرب اصبح يشكل قيد علي مستقبل بلادنا ، لان الامر ليس فيه تعاون و لا تكتل و لا اقتصاد و لا اي حاجه.. و من ناحية اخري ، اذا كنت تبحث عن التكتل و التعاون فليس في الدول العربية الا عدد محدود جدا (لا يزيد عن اصابع اليد الواحده) يمكن ان نتعاون معها ، و بالتالي فان الجامعة العربية فعليا هي تضم الدول الناطقه بالعربيه و ليس هناك ما يجمع بينها الا هذا العامل ، لا دين و ثقافه و لا اقتصاد و لا شئ ، و فكرة الامة العربية من المحيط الي الخليج ، اثبتت فشلها و لست مضطرا لاثبات هذا ، و من هنا انا ادعو معك الي التكتل و لكن مع القوي او ا لدول المناسبة للتعاون معنا ، و لكن ثقافيا و قوميا نحن لسنا في حاجة ا لي تكتل فمصر لديها من المخزون القومي و الثقافي و الحضاري ما يكفيها....
ارجو ان اكون قد وضحت لك فكرتي ...
و لك كل التحيه
طبعا انا فاهم وجهة نظرك يا خلود بس يا ريت توضح و تضرب امثله للتكتلات اللى ممكن ننضم ليها
انا شايف اننا فيه بينا و بين دول عربية كتير مصالح ممكن تكون نتيجتها التقدم لينا كلنا
مثلا فى مجال الثروة الحيوانية و الزراعية و المياه مع السودان
الصناعة مثلا مع تونس
السياحة مثلا مع لبنان
وهكذا يا ريت اسمع رايك لان النقاش ده مهم جدا
وشكرا لسعة صدرك
طارق المملوك
إرسال تعليق