Equilibrium
***
زى ما بعضكم يعرف انا فى كلية سياية و اقتصاد قسم اقتصاد،
من الاساسيات اللى اتعلمتها فى الكلية ان فى حاجة اسمها equilibrium
و ببساطة معناها لما يبقى فى نقطة لقاء يعنى لما يكون مثلا العرض يساوى الطلب يبقى احنا هنا فى حالة
Equilibrium
اناا فكرت بقى اطبق النظرية دى على حياتنا و
اشوف احنا فى حالة
Equilibrium
ولا
Disequilibrium
تعالوا نفكر،
هل الدخل قد الاحتياج؟
العدل قد الظلم
الفقر قد الغنى
العلم للفقير قد العلم للغنى
فرص العمل بالوسطى قد اللى من غير وسطى
العلاج للفقير و للغنى
المعاشات
عقاب الظابط و عقاب المواطن،
طيب هى زيادة الدخل قد زيادة المرتب،
طيب هى زيادة المرتب قد زيادة الاسعار،
طيب هى الصادرات قد الواردات؟
هى فى حاجة قد حاجة،
اعتقد ان احنا فى حالة
Disequilibrium
***
باكينام ناصر
29-08-2007
هناك ١١ تعليقًا:
ا/باكينام
كلامك عن الاتزان في حياتنا بيشمل امور كتيره ويمكن انت ذكرتي بعض النقاط والتي يمكن ان تنحصر في النواحي الاقتصاديه والبعض في النواحي الاخلاقيه......بس انا اعتقد ان دائما بيكون مصدر الاتزان في المجتمع هو الاتزان النفسي للفرد....فعلي سبيل المثال
احتكار سلع استهلاكيه وتخزينها لرفع سعرها والذي نرجع السبب فيه دائما لجشع التجار ما هو الا صوره من عدم الاتزان النفسي والمحاوله للحصول علي ربح اكبر من المتوقع
كذلك موضوع العدل والظلم .....هل فكر كل واحد يمتلك السطه وهو يجور علي حقوق الاخرين معتمدا علي سلطته انه قد يكون في موقف المظلوم يوما ما؟
التساؤلات كثيره والامثله من حولنا اكثر.......بالرغم من وجود الاجابه والحل منذ فتره طويله ولكننا غفلنا .......في القراءن الكريم والسنه النبويه الشريفه .....نجدها اوامر وتوجيهات........حب لاخيك ما تحب لنفسك........( خير الزاد التقوي)..........(واقيمو الوزن بالقسط ولا تخسرو الميزان)............(ويل للمطففين).............(واوفو الكيل)........هذا الي جانب الكثير من التوجيهات الاخلاقيه .....الصدق....الامانه......الوعود......معاشره الناس
تخيلي معي لو ان مجتمعنا طبق ما هو في القراءن الكريم منذ 14 قرن ....هل سيكون هناك اتزان ام لا؟
و الله ما ينفع الكلام دة
انا بقالي اسبوع مش راضي افتح بقى في السياسة و عمال
على المدونة انزل بوستات و اتفئل
بس كدة بصراحة يا باكينام اسئلتك استفزت مشاعري و لذلك لتنطلق الاجابة
-------------
مبدئيا احنا في حالة
Disequilibrium
فظيعة
او بالمعني الاصح كما درسناها في الهندسة
حالة عدم اتزان
و دة نتيجة بقى لاجابات الاسئلة للي انا هجاوب عليها حالا
لحظة واحدة بس
اشرب شفطة شاي
ششششششششششششششششششششش
ششششششششششششش
ششششششششش
ايوة انا معاكوا
بصي بقى مبدئيا
و انا هجاوب حسابيا عشان منساش اني مهندس بس
الاحتياجات = الدخل مضروب في 100
نسبة العدل تصل الي 1% بينما يصل الظلم الي 99
نيجي بقى للفقر و ننسى الهندسة و نتكلم براحتنا
عشان الفقر ماسك البلد من تحت بحيرة ناصر تحت خالص لحد مطروح
مرورا بمصر كلها
و طبعا عشان متبقاش الخريطة كلها سودا قالوا يرشوا شوية نقط غنا بس واضح انهم رشوا بكتير شوية
فوقعنا على مارينا و شرم و الساحل الشمال و قصر الطاهرة
و مش هقول كتير عشان نفسيه الناس بس
بالنسبة بقى للعلم للفقير و العلم للغني
احنا معندناش علم اساسا فدة موضوع منتهى
فرض العمل بقى طبعا ما يتكلمش عليها قدي
بغير الوسطة مش موجودة اساسا
بصي انا هكمل بقى بقيت الاسئلة بعدين عشان الشاي هيبرد
انا سعيدة يا شمس ان كلامى قدر يستفزك للكتابة،
بس اعتقد ان احنا عندنا علم بس متوفر لفئة معينة من المجتمع و هى الى عندها الموارد
التى تكفى لتوفير تعليم محترم لابنائها
يا ريت يا شمس
تكمل بقيت الاسئلة ....
بعد الشاى طبعا
بالطبع لا احد ختلف على ان لو كان الناس تتطبق ا اء فى القران لكنا فى حالة
equilibrium
و لكننى احاول ن ارى ما نحن فيه الان،
و فعلا زى ما حضرتك ذكرت فى حالة
disequilibrum
فى نفسية الفرد نفسه
و لكن ما هى الاساب التى تراها وراء ذلك؟؟
سؤال حضرتك عن الاسباب وراء عدم اتزان نفسيه الفرد في مجتمعنا هو موضوع بحثي شغل بال العديد وكان موضع رسائل دكتوراه في علم الاجتماع ......ولكن بعيدا عن المصطلحات النمطيه مثل الاغتراب وغياب الوعي وفقدان المعايير يمكن ان اختصر وجهه نظري حول الاسباب في قصه صغيره هي احداث حقيقيه لا ثنين من اصدقائي
الاثنين التحقوا باكاديميه الشرطه احدهما كان الاول علي الدفعه طوال سنوات الدراسه الاربعه وقام رئيس الجمهوريه بتعليق نوط التميز علي صدره يوم التخرج.......والاخر كان طالبا عاديا وتخرج الاثنان والتحقا للعمل باقسام الشرطه.......وبعد اسبوع من تعينهم تقدم صديقنا المتميز بطلب استقاله ........فتعجبنا منه جميعنا وخصوصا صديقنا الضابط الاخر.........وكان رده انه لن يستطيع ان يكون منهم (اي ضباط الشرطه المتجاوزين) ولن يستطيع منعهم ........وخرج من سلك الشرطه بعد خسائر ماديه وغرامه كبيره وعمل بالمحاماه .....اما صديقنا الاخر فهو باداره امن الدوله الان.
ما اقصده هنا هو ان استعداد الفرد للتنازل عن قيمه او انحداره او عدم اتزانه النفسي هو ما تربي بداخله منذ الصغر .....فمن تربي بمداء اسلامي صحيح وسليم لا يمكن ان يتغير مع الزمن.........حتي وان اتاحت له الظروف ان يكون عكس ما تربي عليه
استاذ أحمد/
انا شايفة ان مثال الشخص الذى ذكرت قصته هو مثال للاتزان النفسى و ليس العكس فهو شخص متزن تماما قدر انه لن يقدر على العمل فى تلك المجال فتركه ،
ولكن ما كنت اقصده هو الاسباب التى تجعل شخص يعذب شخص اخر،
او ان يكون الشخص غير متزن فيكره بشدة او يتلذذ بتعذيب الاخر او لا يقدر على تحديد اهدافه او بعانى من التناقض فى شخصه،
ما هى الاسباب التى تؤدى الى هذا الخلل،
هل هى فقط التربية ام هى عوامل كثيرة؟؟؟
حفلة الصحبجيةالرابعة وعيد ميلادها يوم الاتنين الجاي 10 \9 \2007
بجد يا جماعة نفسي كلنا نتجمع اليوم ده..بقالنا كتير قوي متجمعناش وكل واحد مشغول في حاجة...مستنيكم يومها الساعة 8 بساقية الصاوي"قاعة الحكمة...
ياريس مش هاني هلال وصف الحال دلوقتي
.
.
بالبالوظة
.
.
بعد كدا هنطالب ان البالوظة تكون الترجمة الحرفية
.
لـــ
disequilibrium
اناشايف بردة اننا في النازل
لقد اضفت مدونتك الى مدونتى وارجو ان تضيف مدونتى شعر نزار القبانى
مفيش اتزان
ونازلين دايما لتحت
إرسال تعليق