EGYPT 2010
اخوانى الاعزاء
موضوع خطر ببالى قلت نتشارك بالراى فيه مش عارف ليه فكرت هل احنا فعلا ماهلين اننا ننظم كاس العالم لكرة القدم 2010 فى مصر؟
هل نقدر؟
هل دى حاجة تشرفنا؟
هل عندنا الامكانيات اللى نقدر ننظم بيها حدث بتشوفه الدنيا كلها؟
لو وصلنا انه ايوة هل ممكن نعمل حاجة نساعد بيها؟
ولا لا؟
ارجو الافادة؟
طارق المملوك
8/11/2003
هناك ٤ تعليقات:
مصر عايزة تعمل كأس العالم 2010
يعني الضرائب اللي بندفعها كلها و فلوس المواصلات بهيئة النقل العام و السكة الحديد و و فواتير التليفون و الكهرباء و قناة السويس و الصناعة و الزراعة و الموارد الاقتصادية و .............. كل ده هايتصرف على كأس العالم 2010 لما زيدان ييجي و رونالدو و باتيستوتا عشان يعيشوا زي الملوك و ياكلوا و يشربوا و يتفسحوا و ينبسطوا.
طيب طالما فيه فلوس في مصر مـا نـحل مشكلة الاسكان و البطالة و العطالة. طيب طالما في فلوس في مصر ليه الحياة بقت غالية كدة؟؟؟
طيب حد فكر هانكسب ايه من الحركة دي؟؟؟
تنشيط السياحة – هايل
شباب بيضيعوا وقتهم في الجري ورا المباريات – ممتاز
زيادة الدخل القومي.... طيب انا مش فاهمـة ازاي هايزيد الدخل القومي اذا كنا احنا اللي هانصرف عليهم عشان يرتاحوا و يزيطوا و يلعبوا و يناموا و ياكلوا و يشربوا.
و اذا كان المنتخب الوطني المصري هايتغلب كدة كدة مالنا احنا و مال كاس العالم و نعمل اللي منقدرش عليه ليه؟؟؟؟؟
يعني كان هايحصل ايه لو نظمنا مسابقة داخلية لاحسن شركة مصرية تصنع اي نوع من انواع الاجهزة الالكترونية التي يتم استيرداها و تمتص الموارد المصرية النقدية؟؟؟ ايه المشكلة لو وجهنا الفلوس اللي هاتتصرف دي عشان نزرع بيها قمح بدل اللي بنستورده من بره؟؟؟؟
ايه المشكلة لو بنينا مساكن للشباب بشروط ميسرة عشان يتجوزوا بدل مهما نازلين معاكسة في البنات في الشوارع؟؟؟
ايه المشكلة لو استثمرنا الفلوس دي في مشروعات تشغل العالم اللي قاعدة على القهوة مورهاش حاجة؟؟؟
ايه المشكلة لو اخدنا الفلوس دي و دربنا بيها المنتخب البتنجان بتاعنا ده اللي مش فالح الا انه يغلب منتخب موريشيوس و جزر القمر و غينيا بيساو و فرحان قوي؟؟؟
jano
8/11/2003
منتهى السذاجة والضحك على الدقون والاستهتار بعقول الناس
3 اسئلة وجدتهم فى الموقع الرسمى المصرى لكاس العالم 2010 وده كان رد الموقع عليهم
هل سيكون لاستضافة كأس العالم تأثيرا على المستوى الاقتصادى فى مصر؟
تعد بطولة كأس العالم حدثا دوليا يوحد الشعوب من كل أنحاء العالم حول كرة القدم كما يخلق و يوحد الحلم، واستضافة كأس العالم يساعد على خلق آلاف فرص العمل فى قطاعات مختلفة و ذلك لأنه حدث عالمي و سيعود على مصر بفوائد فى مجالات عديدة ومنها "السياحة و الفندقة و المواصلات " وغيرها من المجالات . وهذا بالطبع سيكون له أثرإيجابى على .الاقتصاد المصر، كما سيتاح لمصر فرصة عظيمة لإظهار قدراتها الفريدة لجذب أنظار شعوب العالم لها
ماذا سيعود على مصر من فوائد فى حالة تنظيمها لكأس العالم ؟
سيتاح لها الفرصة لتطوير البنية التحتية للدولة واستضافة شعوب من جميع أنحاءالعالم ولرفع رسالة السلام عالية لتأكيد وحدة .القارة الإفريقية فى العالم
كم عدد المفتشين الذين سيقومون بزيارة مصر ؟ وكيف يمكن لمصراستغلال هذا الحدث لجذب أكبرعدد من السائحين ؟
لأن بطولة كأس العالم هى حدث دولى ، فمن المؤكد أن ملايين من كل أنحاء العالم سيشاهدون المبارايات وعددهم 64 مباراة من خلال شاشات التليفزيون التى ستقام فى مصر، ونتوقع حضور أكثر من ثلاثة مليون متفرجا فى الاستادات وذلك لأنها تسع .ما بين 45 و 65 مليون متفرجا
ايه رايكم بقى؟
طارق المملوك
8/11/2003
طبعا لا ، احنا غير مؤهلين لكاس العالم ، باختصار لان
تنظيم كاس العالم اصبح له تقاليد ، و نظم و طبيعة بلدنا
و ظروفنا الاقتصادية و الاجتماعيه و الثقافيه ، لا تسمح
باتباعها ، و علي ذلك لو حصل و نظمنا كاس العالم سنفشل
كالعاده....
و كالعاده ايضا سيخرج علينا الطبالين و الهتيفه ، يقولوا
لنا اغاني و كلام من نوع مبروك عليكو علينا ، و مصر هي
امي ، الخ الخ
خالد مصطفى
8/11/2003
بخصوص هذا الموضوع يا جماعة انا شايف ان تنظيم كأس العالم في حد ذاته هو فرصة
اهايلة يمكن من خلالها تحقيق الكثير من الإيجابيات لمصر .......ولكن........هل
نحن قادرون على هذا .. كل دول العالم التي قامت بتنظيم مثل هذه الأحداث
العالمية حققت مكاسب هائلة من خلال هذا التنظيم وأذكر جيدا بطولة كأس العالم
عام 1986 وكانت في المكسيك وقبل انطلاق البطولة ضرب المكسيك زلزال مدمر نتجت
عنه خسائر فادحة الا ان هذا لم يمنع المكسيك من المضي قدما نحو استكمال
الإستعدادات لإستفبال البطولة ... المكاسب المتوقعة في حالة نجاحنا في
الإستضافة أولا .. ونجاحنا في التنظيم وهذا هو الأهم وللأسف ..... هذا ما أشك
فيه .. فبدلا من ان يكون هذا الحدث فرصة لتدعيم اقتصاد مصر ... سيصبح مغارة علي
بابا ... ونحن لدينا اكثر بكتيييير من 40 حرامي .. فبالتالي مغارة واحدة مش
مكفياهم ... معذورين برضه.. ولا حول ولا قوة الا بالله
خالد حسني
8/11/2003
إرسال تعليق